محطة أخبار سورية
رشحت مجموعات عريضة من الشباب على الفيس بوك النجم أحمد السقا رئيسا لمصر وطالبوه بخوض انتخابات الرئاسة وقالوا انه حتما سينجح بجدارة.
وردّ الفنان صاحب الشعبية الكبيرة على هذه المطالب بأنه لا يصلح ليكون رئيس جمهورية، وقال على مدونته الخاصة: «نرجع للسياسة من تاني وكنت عايز أعلق على جروب شفته على موقع الفيس بوك خاص بي عمله بعض الشباب بيرشحوني فيه اكون رئيسا للجمهورية في الانتخابات الرئاسية المقبلة، انا استغربت جدا وقلت لنفسي معقولة انا ابقى الريس؟! وبشكر اللي عملوا الجروب لحبهم ليا وثقتهم بيا بس انا منفعش ابقى ريس بصراحة انا العب السياسة في السينما فقط بس بره الشاشة منفعش خالص لأني معنديش قدرات السياسة خالص فما بالكم اني أكون الريس».
طيب هتسألوني هانتخب مين في انتخابات الرئاسة الجاية؟
«هقولكم بصراحة لأني ببقى حريص على الانتخاب مش هقول اسم معين لأن لحد دلوقت محدش أعلن رسمي ترشيح نفسه بس على العموم انا هعمل تقييم شامل لبرامج جميع المرشحين والبرنامج الذي يناسبني كمواطن مصري هختاره بمعنى ان البرنامج الانتخابي لأي مرشح للرئاسة هو العامل الرئيسي اللي على أساسه هختار وأقيم ثم أحاسب.. وهناك عوامل اخرى لازم تتوافر في شخص رئيس مصر مثل الوضع والهيبة والتاريخ السياسي والتاريخ الإداري لأن مصر في النهاية مش شركة ولا مؤسسة دي مصر يا اخواننا».
