"الرحمة كل الرحمة لأرواح شهداءنا الأبرار"..... خالتو حبيبي لا تطلع ع الشارع بدون ما تاخد ازن الماما و البابا مشان ما يزعلو منك، بعدين يا خالتو ليش تحمل ساطور؟ الماما بتخاف تجرح حالك، يعني لا سمح الله يمكن انت و عم تدبح واحد من الجيش او الامن او ..... يمكن تجرح اصبعتك، حرام خالتو حط حالك محل امك !! ... و يمكن توسخ تيابك بالشحار انت و عم تحرق مؤسسة او محل او قصر العدل ...... الخ، حرام يا خالتو عم تعزب الماما بالغسيل.
خالتو الله يرضى عليك لا عاد تسف حبوب هلوسة، جبتلك معي بونبون طيب كتير، مو ناقص غير تدخن !! يالله يا عمري غسل وجهك و فرشي سنانك و روح سلم حالك لعمو الشرطي يالله حبيبي يالله.
متصل عبر الهاتف: خالتو هناء بدي سلم حالي بس خايف شو ساوي؟
خالتو هناء: لا تخاف خالتو، عمو وزير الداخلية وعدني انو يسامحك و ما يسفقك ولا كف، شكرا لاتصالك، معي متصل جديد الوووو.
المتصل: هدول بدون حرق بالاسيد، ليش لازم ندفع كلنا التمن؟
خالتو هناء: لا لا يا خالتو عيب هاد اخوك ما بيصير تقول عنو هيك، لازم نسامح و نغفر لاخواتنا ازا غلطو مو هيك خالتوووو؟ و بدي منك ازا شفتو عم يدبح او يحرق دير وشك مشان ما نعمم "ثقافة الدبح و الحرق".
المتصل: سمعتو عم يقول: "**** ع التابوت و **** ع بيروت"
خالتو هناء: معليش خالتو، مدايق و عم يفش خلقو بكرى بيهدى.
"الرحمة كل الرحمة لأرواح شهداءنا الأبرار" .......... يا عمو صرلي اسبوع بعيد و بفتق، مو هيك بتكون المطالبة بالاصلاح، مو بالحرق و التكسير و الدبح، بعرف انو عندكون مطالب محقة بس مو هيك التظاهر الحضاري، لك انا كمان عندي مطالب !!، لك يا عمو هي بلدك و لا زم تحافظ عليها كل جمعة بحكي عن التظاهر الحضاري و كيف بتكون المطالبة بالاصلاح و برجع تاني جمعة بلاقيك عم تكسر و تدبح و تحرق لك العمى ضربك ما بتفهم !! طلع ع لساني شعر انا و قلك خود ترخيص من الداخلية و طلاع بتظاهرة سلمية و لا تلعب مع هدول المخربين و انت متل الحمار بتاخد حبة و بتنزل معون يلعن ........ اهلك.
كواليس: خسر ضيف البث المباشر برتية طرنيب مع المخرج و المصورين، و هذا ما يفسر تجهمه و انزعاجه لدى التوجه إليه بالسؤال الأول بعد فراغ خالتو هناء أو عمو نزار من الكلمة التوجيهية.
